இந்திய இராணுவ வெறியர்கள் தேடிய பரிகாரம்

எல்லாம் முடிந்துவிட்டது. 'இந்திய இராணுவ வெறியர்கள்' தாம் ஈழத்தில் செய்த எல்லாவற்றுக்கும் பரிகாரம தேடிக்கொண்டுவிட்டார்கள். இனிமேல் யாரும் அந்தப் பழைய நிகழ்வைப் பற்றிக் கதைக்கவேண்டாம்.

இந்திய வெறியர்கள் மட்டுமன்றி சிங்களக் காடையரும் பரிகாரம் தேடிக்கொண்டனர். ஆக இனி சிங்களவன் செய்த கொடுமைகளையும் மறந்துவிடவேண்டும்.

சரி எப்படிப் பரிகாரம் தேடியுள்ளார்கள் தெரியுமா? விடுதலைப்புலிகளின் ஊடக ஒருங்கிணைப்பாளர் எனச் சொல்லப்படும் தயாவுக்கு கொழும்பில் இயங்கும் 'அப்பலோ' மருத்துவமனையில் சிகிச்சையளித்ததன் மூலம் இந்திய வெறியர்களும் சிங்களக் காடையரும் தங்கள் பாவங்களைக் கழுவிக்கொண்டார்கள்.

மேற்படிச் செய்தியையும் பரிகாரக் கண்டுபிடிப்பையும் வெளியிட்ட நண்பர் வீரமணிக்கு நன்றி.

ஆனால் இந்தியா ஏற்கனவே பரிகாரம் தேடிக்கொண்டுவிட்டது பலவழிகளில். இந்திய சோப்பு, சீப்பு, கண்ணாடி முதற்கொண்டு, உடுபுடைவைகள், அலுமினியப் பாத்திரங்கள் வரை தட்டு முட்டுச் சாமானுகள் வரை இலங்கையில் விற்றபோதே பரிகாரம் தேடிக்கொண்டார்கள். அதைவிட ரஜனி, விஜய், அஜித், கமல், சிம்ரன், ஜோதிகா என்று எண்ணற்ற நட்சத்திரங்களின் படங்களைத் தயாரித்து வழங்கி ஈழத்தவரைச் சந்தோசப்படுத்தியபோதே இந்தியா பரிகாரம் தேடிக்கொண்டுவிட்டது. இலங்கையின் ஒட்டுமொத்த எண்ணெய் வழங்கற் கட்டுப்பாட்டைத் தன்கையிற்கொண்டு மக்களுக்குச் சேவை வழங்கியபோதே பரிகாரம் தேடிக்கொண்டது.

அப்பலோவில் சிகிச்சையளித்துத் தான் பரிகாரம் தேடிக்கொள்ள வேண்டுமென்பதில்லை.

சிங்களவர்களை எடுத்தால் அதைவிட நிறையச் சொல்லக் கிடக்கு.